Dezinfektohen shkollat dhe institucionet parashkollore
Nga Drejtoria për Shëndetësi dhe Mirëqenie Sociale (DSHMS) në Gjilan, është bërë me dije se filluan me dezinfektimin e shkollave dhe institucioneve parashkollore në komunën te Gjilanit.
“Së bashku me ekipin fantastik po punojmë që të ofrojmë higjienë për nxënësit në radhë të parë, e rrjedhimisht edhe për mësimdhënësit e punëtorët e tjerë brenda objekteve shkollore”, thuhet në një njoftim të kësaj Drejtorie
Bëhet e ditur se sot dhe nesër do të përfundohen 62 institucione arsimore, ku 3 prej tyre do dezinfektohen më vonë, për shkak të punimeve e renovimeve përbrenda shkollave.
“Edhe pse është fundjavë, ne jemi zotuar që përgjegjësia jonë për të ofruar shërbime do të realizohet. Punë të mira po bëjmë”, thuhet në njoftimin e DSHMS-së. /2LONLINE/
