Dështojnë edhe Drita edhe Gjilani

Janë mbyllur ndeshjet e sotme të javës së 29-të të Superligës së Kosovës në futboll, ku edhe Drita edhe Gjilani, dy skuadra gjilanase që bëjnë gara në elitë ne futbollit kosovarë kanë dështuar.

Drita ka humbur si mysafire nga Drenica, e skuadra e Gjilani në terren të saj ka humbur nga Dukagjini, duke lëshuar kështu një rast të mirë, për pikë të reja e përforcim të synimeve drejt objektivave që i kanë vënë para vetës këto dy skuadra, veçmas pasi Ballkani që ndjekë Dritën ka humbur, ndërsa Prishtina një kundërshtar i drejtpërdrejt i Gjilanit për pozitën e tretë, ka  barazuar në këtë javë.

Sidoqoftë, Drita ka humbur me rezultat minimal ndaj Drenicës (1:0), derisa Gjilani  – Dukagjini ka përfunduar me rezultat 2:3. Në ndeshjen tjetër Malisheva ka mundur Ballkanin 4:2.

Drita vazhdon të jetë në krye të tabelës me 54 pikë, Ballkani i dyti me 49, Prishtina e treta me  44, Malisheva e katërta me 43, dhe Gjilani i katërti po me 43 pikë, e kështu me radhë.   /2LONLINE/