Dështoi seanca e jashtëzakonshme për rregulloren e orarit të punës, këshilltarët nuk dhanë nënshkrimet

Grupi i këshilltarëve komunal që votuan kundër shtyrjes së pikës 2.2 për rregulloren e orarit të punës në territorin e Komunës së Gjilanit menjëherë pas seancës filluan angazhimin e tyre për një seancë të jashtëzakonshme ku do diskutohej e votohej kjo rregullore dhe filluan mbledhjen e nënshkrimeve.

Festa Shabani, në emër të grupit inicues,  ka bërë të ditur se seanca ishte parapa që të mbahej sot me datë 6 qershor në ora 10:00 mirëpo u pamundësua sepse nga 14 nënshkrime që duhej mbledhur, vetëm 9 këshilltarë u pajtuan që të mbahej seanca.

Sipas deklaratës së grupit inicues, LDK, VV, Nisma, një pjesë e PDK-së, AKR, etj nuk i dhanë nënshkrimet e tyre që të mbahej kjo seancë ku do vendosej për rregulloren e cila do favorizonte punëtorët e sektorit privat për të dielën pushim si dhe pushim në festa zyrtare dhe nene të tjera të rëndësishme, transmeton 2LONLINE.

“Lidhjet e tyre me bizneset kanë më shumë rëndësi se të drejtat e punëtorëve. Sidoqoftë do shtjerrim mundësi të tjera që në seancën e rregullt të sillet në Kuvend dhe të kaloj kjo pikë”, ka  transmetuar qëndrimin e  përbashkët të grupit inciues, Festa Shabani..

Këshilltarët që dhanë nënshkrimet e tyre janë:
Festa Shabani-PSD
Arta Haziri- AAK
Ibish Ibishi- i pavarur
Mefail Januzi “Vatra”
Xhelal Hajrullahu- i pavarur
Isa Agushi-i pavarur
Erleta Osmani- PDK
Shefik Surdulli-PDK
Imrane Thaqi- PDK