Deri në fund të javës do të vazhdojë i nxehti veror

Instituti Hidrometeorologjik i Kosovës ka parashikuar se deri në fund të javës do të vazhdojë i nxehti veror, porse do të ketë një rënie të vogël të vlerës së temperaturave ekstreme.

“Masat e ngrohta të ajrit të cilat janë stacionuar mbi gadishullin e Ballkanit do të vazhdojnë të qëndrojnë mbi vendin tonë edhe për disa ditë , por që vlerat e temperaturave ekstreme do të ulen për 1-3 gradë celsius, si pasojë e erës e cila do ta ndryshoj kahun nga veriu në drejtim të jugperëndimit dhe juglindjes duke krijuar kushte që vende-vende të ketë riga shiu, të cilat riga pritet të vazhdojnë edhe gjatë vikendit.

Temperaturat minimale do ti ruajnë vlerat e deritanishme , kurse maksimalet e ditës do të lëvizin ndërmjet 32-34 gradë Celsius. Do të fryjë erë nga juglindja dhe jugperëndimi me shpejtë 1-8m/s”, thuhet në parashikimin e IHMK-së.