Derbi pa tifozë!

Sport Club Gjilani njofton se dueli i xhiros së XXXIII-të në BKT Superligë ndaj FC Drita do të zhvillohet të mërkuren më 4 Maj në stadiumin ndihmës me bari sintetik në Gjilan.

Për shkak të kushteve jo të favorshme dhe mungesës së tribunave, takimi do të zhvillohet pa prezencën e tifozëve dhe qëndrimi afër stadiumit do të jetë i ndaluar për shikues, thuhet në njoftim e lëshuar nga Zyra për Informim e SC Gjilanit.

Sipas këtij njoftimi, mediat do të vendosen në pjesën Qendrore të stadiumit, aty ku do të qëndrojnë edhe zyrtarët e klubeve.

Parkingu brenda stadiumit do jetë i mbyllur (përveç automjeteve zyrtare) dhe nuk do të lejohet parkingu i veturave afër hapsirave të stadiumit për shkak të sigurisë. /2LONLINE/