Derbi me tensione në kryeqytet, Feronikeli fiton në minutat e fundit

Derbi me tensione në kryeqytet, Feronikeli fiton në minutat e fundit

Ka përfunduar ndeshja e fundit e ditës së mërkurë në kuadër të javës së 14-të në Superligë. Feronikeli ka mposhtur Prishtinën në shtëpi në një ndeshje dramatike me rezultat 2:3.

Ndeshja u karakterizua nga një dinamikë e shpejt, presione e tensione në fushë.

Në minutën e dytë të takimit, gjyqtari akordoi penallti për Prishtinën, që në gol e shndërroi, Ahmet Januzi nga pika e bardhë.

Pas këtij goli, me karton të kuq u ndëshkua një nga anëtarët e stafit të Feronikelit, transmeton Portali 2LONLINE.com.

Vetëm dy minuta më vonë, gjyqtari akordoi penallti sërish, kësaj radhe për Feronikelin. Shifrat në 1:1 i barazoi Da Silva.

Prishtina kaloi në epërsi për herë të dyta gjatë takimit me anë të Diar Miftaraj. Edhe epërsia e dytë e Prishtinës zgjati vetëm dy minuta, pasi kundërpërgjigjia e Feronikelit ishte e shpejtë, me golin e Lapidar Lladrovcit, që poashtu shënoi me kokë.

Në minutën e 88’, Jean Carioca Da Silva kaloi portierin e Prishtinës, për golin e fundit të takimit dhe fitoren e Feronikelit.

Në këtë takim u shqiptuan pesë karton të verdhë.

KOMENTE