/2L ONLINE/ – Dueli ndërmjet Dritës dhe Zhegrës u ka takuar këtyre të fundit me shifrat 29:31. Në një ndeshje mjaft atraktive për shikuesit e shumtë që ishin në numër, hendbollistët e zhegrës ia dolën që ta gëzonin fundin e ndeshjes duke regjistruar një tjetër fitore pas asaj të arritur në vikend ndaj Trepçës.
Zhegra regjistron fitoren e tretë më rradhë, por ndoshta për nga rëndësia kjo përballë rivalit lokal Drita mund të jetë më e vlefshmja. Dueli i zhvilluar në Palestrën e Sporteve “Bashkim Selishta – Petriti” në Gjilan, u shoqërua nga një numër i madh shikuesish të cilët patën se çfarë të shohin. Një ndeshje mjaft atraktive, në të cilën Zhegra kishte një dominim të lehtë që nga fillimi i takimit. Por, atë dominim në fund e kurorëzoi me fitore, me ç’rast i gëzoi edhe tifozët e saj të cilët ishin të pranishëm.
KH Drita 29:31 KH Zhegra
/2L ONLINE/