Derbi i zjarrtë përfundoi baras

Derbi i zjarrtë në mes të FC Drita dhe SC Gjilani ka përfunduar pa fitues, pasi këto skuadra kanë barazuar 1 me 1.

Në këtë ndeshje derbi të javës së 17-të të Superligës së Kosovës në Futboll,  u zhvillua një lojë e fortë nga të dyja palët, të cilat treguan se sa shumë e duan fitoren, sidomos në pjesëlojën e dytë ishte një ballafaqim i luftuar nga të dyja palët, por se në fund ndarja në paqe, me barazim, ishte epilogu i këtij derbi.

E para shënoi skuadra bardhë e kaltër, në minutën e 74-të e takimit, përmes Arb Manaj, që shënoi me kokë, por gëzimi i skuadrës dhe tifozëve të Dritës zgjati vetëm 4 minuta, pasi në minutën e 78 erdhi goli i barazimit, përmes Armend Thaqit, nga gjuajtja e lirë.

Pra, pa fitues përfundoi derbi i radhës në mes të këtyre dy rivalëve të përbetuar, por që mund të thuhet se ishte një epilog real i këtij ballafaqimi.

Përndryshe, kujtojmë edhe dy momente që e karakterizuan këtë derbi.

Para fillimit të takimit, gardiani i Dritës. Faton Maloku është nderuar me një dhuratë me fanellën e FC Drita, pasi ishte hera e 200-të që u paraqit me fanellën e kësaj skuadre.

Si dhe, përjashtimi i trajnerit të Dritës, Zekirija Ramadani, pas u ndëshkua me dy të verdhë për shkak të protestave nga ana e tij.

Përndryshe, pas javës së 17-të, FC Drita është e pozicionuar në vendin e 5-të, në tabelë dhe ka 25 pikë, por kujtojmë se ka edhe një takim më pak të zhvilluar, ndërsa SC Gjilani është në pozitën e 6-të, në tabelë me 23 pikë. /2LONLINE/