(2L ONLINE) – Ndeshja kryesore e javës së tretë në konkurrencën e femrave në volejboll, ndërmjet Dritës dhe Universitetit AAB ia ka takuar gjilanasve të cilat mposhtën bindshëm universitaret.
/DRITA – UNIVERSITETI AAB 3:0 (25:15, 25:23, 26:24)/
Fillim i shkëlqyer i Dritës, përkundër ndryshimeve të shumta në përbërje që në start të ndeshjes tregon fuqinë e saj. Seti i parë i ndeshjes foli gjithçka në favor të vashave të drejtuara nga Lorik Ilazi që me mjaft lehtësi ia dalin të triumfojnë, (25:15).
Në setin e dytë universitaret që këtë edicion po udhëhiqen nga Shemsije Asllanaj, janë këndellur por përsëri gjenden nën regjimin e gjilanaseve të cilat e fitojnë mjaft ngushtë këtë set të lojës, (25:23).
Seti i tretë i lojës do të ishte edhe i fundit, përkundër se volejbollistet nga AAB-ja kishin mundësinë të ktheheshin në lojë pasi ishin një pikë larg suksesit. Sikurse në dy setet e para edhe në të tretin vashat e Dritës treguan përkushtim maksimal dhe ia arritën ta rikthenin rezultatin duke e mbyllur ndeshjen në favorin e tyre, (26:24).
Kjo është fitorja e tretë me rradhë e Dritës me rezultat të pastër dhe e ndjekur nga Skenderaj e Kastrioti e kryeson renditjen, ndërkohë kjo është disfata e dytë e Universitetit AAB, që nuk po kalon formë të mirë në këtë fillim sezone.
DRITA – UNIVERSITETI AAB 3:0
Palestra: ‘’Bashkim Selishta – Petriti’’
Vendi: Gjilan
Shikues: 100
Gjyqtarë: Senad Haxha, Faton Mustafa
Drita: A.Ilazi, M.Abazi, B.Kadriu, O.Syla, B.Jaha, V.Kadriu, R.Leka, L.Mehmeti, F.Shabani, F.Hyseni, I.Salihu. Trajner: Lorik Ilazi.
Universiteti AAB: L.Simnica, D.Asllanaj, A.Rrustemi, M.Aliu, E.Muçolli, G.Mustafa, E.Muçolli, B.Hyseni, V.Tafili, M.Shabani. Trajner: Shemsije Asllanaj.
/Drilon SYLEJMANI / 2L ONLINE/
/Foto: kvdrita/