Derbi i takoi Dritës

Derbi, Gjilani – Drita, i ka takuar skuadrës “bardhë e kaltër” që drejtohet nga Zekirija Ramadani, ndeshje kjo e luajtur në kuadër të javës së tetë të Superligës së Kosovës në futboll.

Gjilanit i takoi pjesëloja e parë pasi e përbylli në avantazh (1:0), me golin që e realizoi Aganspahiq nga penalltia, por se Drita u rikthye në pjesëlojën e dytë, duke shënuar dy herë, fillimisht përmes Balajt, për t’u barazuar rezultati dhe më pas edhe me golin e Dabiqajt, për avantazh (1:2), rezultat ky që mbeti deri në fund të takimit.

Kështu, Drita me këtë fitore tani më ka 11 pikë dhe ngjitet në pozitën e katërt, e Gjilani mbetet në fund të tabelës me 7 pikë.

Edhe Drita edhe Gjilani, kanë kualitete përbrenda vetes dhe se pritet që me kalimin e xhirove, të gjejnë vetëm në ato pozita në tabelë, konformë edhe synimeve që i kanë.  /2LONLINE/