Deputetët e VV-së takim me zëvendës ambasadorin dhe konzullen e Hungarisë në Kosovë

Sot dy deputetë të Grupit Parlamentar të Lëvizjes Vetëvendosje, Kryetari i Grupit parlamentar, Visar Ymeri, dhe anëtari i Komisionit për Integrime Evropiane, Ilir Deda, takuan zëvendës Ambasadorin e Hungarisë në Kosovë, Dr. Istvan Sipos dhe Konzullen e Hungarisë në vendin tonë, Klara Helga Kokeny-Horvath. Me këtë rast u diskutua çështja e migrimit të qytetarëve të Kosovës drejt vendeve të BE-së dhe trajtimi i tyre.

Deputetët e Vetëvnedosje u interesuan veçanërisht për trajtimin e qytetarëve të Kosovës në Hungari, duke u bazuar në raportimet e medieve, dhe që ky trajtim të jetë sipas rregullave ndërkombëtare që e mbulojnë fushën e azilkërkimit dhe emigrimit.

Po ashtu, deputetët në fjalë kërkuan që në rast të themelimit të një grupi faktmbledhës nga Kuvendi i Republikës së Kosovës, këtij grupi t’i mundësohet qasja tek autoritetet relevante hungareze dhe vendet ku qëndrojnë qytetarët e Kosovës në Hungari.