Dënohet akti i dëmtimit të një varri në varrezat ortodokse në Binqë

Ditën e djeshme, persona të panjohur kanë plaçkitur pllakën e një varri në varrezat ortodokse në fshatin Binqë të Vitisë.

Policia e ka konfirmuar rastin në Mbledhjen e Këshillit Komunal për Mbrojtje dhe Shpëtim dhe ka bërë të ditur se nuk janë dëmtuar varreza të tjera, pos plaçkitjes së pllakës së një varri.

Ky akt ka ngjallur reagime tek Institucionet komunale të Vitisë, që e dënojnë këtë akt.

Kryetari i komunës Sokol Haliti, ka dënuar aktin e dëmtimit të këtij varri dhe ka kërkuar nga organet e drejtësisë që ta hetojnë dhe zbulojnë personin që ka mundur të bëjë këtë dëmtim. /2LONLINE.com/