DEMOS përgëzon Gjilanin për performancën e lartë, inkurajon të përmbushen disa rekomandime

DEMOS përgëzon Gjilanin për performancën e lartë, inkurajon të përmbushen disa rekomandime

Një ekip i përfaqësueseve të organizatës zvicerane DEMOS, Fatime Rrahmani dhe Dardan Maliqi, kanë vizituar sot Komunën e Gjilanit ku janë pritur nga nënkryetari Arbër Ismajli me bashkëpunëtorët.

Qëllimi i takimit ka qenë për të parë nga afër rezultatet e performancës në disa tregues, ndërkaq e kanë përgëzuar Komunën e Gjilanit për performancën e lartë të treguar në për vitin 2016 dhe 2017, duke inkurajuar që të përmbushen disa rekomandime të rëndësishëm .

Nënkryetari i Komunës, Arbër Ismajli, ka falënderuar DEMOS për vlerësimin e lartë për Gjilanit, duke thënë se shpërblimi me tri grante është një motiv edhe më i madh për ta rritur edhe më shumë performancën.

Ai ka shfaqur zotimin se të gjitha rekomandimet e DEMOS në disa indikatorë do të plotësohen në afat rekord, duke shpresuar se granti i performancës për Gjilanin në vitin e ardhshëm do të jetë edhe më i madh.

Ismajli në fund ka falënderuar ekipin e performancës në krye me koordinatorin Ibrahim Ademi për punën e jashtëzakonshme që kanë bërë në këto dy vite, të cilët ia kanë sjell Gjilanit tri grante në vlerë prej mbi 500 mijë euro.

KOMENTE