Demaçi: Serbët le të heqin dorë nga çetnikizmi i tyre

Deklartat fyese të minsitrit për Komunitet dhe Kthim,Aleksandër Jabllanoviqit të bëra ditë më parë, ku e quajti Kosovën-Metohi si dhe protestuesit shqiptarë në Gjakovë egërsira, ka zgjuar reagime nga analistë dhe nga partitë opozitare në Kosovë, ku kjo e fundit kërkon nga qeveria e Isa Mustafës të marrë masa ndaj Jabllanoviqit.

Për këto fyerje të ministrit Jabllanoviq, kanë reaguar edhe njohësit e çështjeve politike ku i quajnë të vogëla deklaratat e Jabllanoviqit në krahasim me marrëveshjet të cilat i janë bërë me Serbinë dhe se asnjë nga këto marrëveshje nuk është duke u respektuar, e duke synuar që këtu të bëjnë shtetin e tyre të madhe Serbinë e cila sipas tyre po përzihet në punët e Kosovës.

Veprimtari i njohur i çështjes kombëtare, Adem Demaçi, ka deklaruar për Gazetën Lajm se këto padrejtësi të cilat po i bënë Evropa e duke shtuar se presionet pa parime nga miqtë tanë evropian të cilët e kanë lazdruar Serbinë, japin të drejta që nuk ju kanë takuar dhe se këto gjëra që po ndodhin këtu nuk shihen as nëpër filma.

“ Ju kanë dhënë të drejta serbëve që asnjë pakicë ndërkombëtare, asnjë pakice në botë nuk i ka të drejtat që i ka Serbia e që po bënë me ne kështu. Kështu që këto gjëra duhet të shikohen në parim, duhet të shikohen në themel, dhe të gjindet një zgjidhje e drejtë që këta ta dinë se janë ose s’janë qytetarë të Kosovës, se këta herë bëhen qytetarë të Kosovës, herë s’bahen qytetarë të Kosovës, herë andej e her këndej, krejt këto po ndodhin para syve tanë, para syve të këtij populli i cili as vetë nuk po di se çka po ndodhë këtu, a është këtu Sebri, a është këtu Kosovë a çka është”, ka theksuar Demaçi, për Gazeta LAJM

Për më tepër në:
http://www.gazetalajm.com/demaci-serbet-le-te-heqin-dore-nga-centikizmi-i-tyre-2.html