Dekani i FSI-së dhe Komandanti i KFOR-it turk vizituan KBI-në në Gjilan

Dekani i Fakultetit të Studimeve Islame (FSI), dr. Fahrush Rexhepi dhe komandanti i KFOR-it LMT togeri Ilhan Guçlu, në takime të ndara vizituan Këshillin e Bashkësisë Islame (KBI) në Gjilanit, në të cilin u pritën nga kryetari i këtij Këshilli, Naim Aliu.

Kryetari Aliu e njohu dekanin me punën dhe të arriturat e KBI-së në Gjilan.

Ai gjithashtu falënderoi për punën dhe kontributin e tij gjatë periudhës sa ishte kordinator i medresesë në Gjilan dhe për përkrahjen e vazhdueshme që ka dhënë për këtë Këshill.

Dekani e falënderoi kryetarin Aliu për pritjen, si dhe premtoi përkrahje të mëtutjeshme për këtë Këshill, në mënyrë që ata t’i realizojnë projektet e tyre të synuara.

Ndërsa në takimin me komandantin e Kforit Turk LMT togeri Guçlu, kryetari Aliu falenderoi komandantin për kontributin e dhënë në sferën e sigurisë në Komunën e Gjilanit.

Ndërsa qëllimi kryesor i kësaj vizite ishte urimi për ardhjen e muaji të madhërishëm të Ramazanit.