Dega e LDK-së në Gjilan: Dënojmë ashpër gjuhën joparlamentare të përdorur sot nga kryesuesi i Kuvendit Komunal

Dega e Lidhjes Demokratike të Kosovës në Gjilan dënon ashpër gjuhën joparlamentare të përdorur sot nga kryesuesi i Kuvendit Komunal Arianit Sadiku, ndaj asambleistes së LDK-së.

Ofendimi që ka bërë sot ai ndaj asambleistes sonë është i paprecedent në historinë e legjislaturave që prej pas luftës në Gjilan. Në këtë mënyrë kryesuesi i Kuvendit që vjen nga radhët e VV-së ka treguar shembullin më të keq të gjuhës joparlamentare dhe arrogancën e pushtetit.

Gjilani si qytet i demokracisë nuk e duron arrogancën dhe gjuhën degraduese sidomos ndaj një gruaje. Për këtë, për keq qeverisjen e katandisjen që e keni sjellë në Gjilan, do të ndëshkoheni keq nga qytetarët, thuhet në këtë reagim të Zyrës për Marrëdhënie me Publikun e LDK-së, Dega në Gjilan. /2LONLINE/