Dardanapress organizoi fushatë vetëdijesuese për promovimin e zhvillimit socio-ekonomik në Komunën e Kamenicës

Organizata Joqeveritare Dardanapress, në kuadër të projektit “Promovimi i politikave të zhvillimit socio-ekonomik në Komunën e Kamenicës”, ka organizuar një fushatë vetëdijesuese në qytetin e Kamenicës, me qëllim të promovimit të politikave që kontribuojnë në zhvillimin socio-ekonomik të komunës.

Përmes kësaj fushate, Dardanapress synon të rrisë vetëdijesimin e qytetarëve për rëndësinë e politikave zhvillimore, të nxisë pjesëmarrjen e tyre në proceset vendimmarrëse dhe të promovojë mundësitë për zhvillimin ekonomik dhe social të Komunës së Kamenicës.

Qëllimi i fushatës ishte ngritja e vetëdijes së qytetarëve për rëndësinë e promovimit dhe zbatimit të politikave të zhvillimit socio-ekonomik, si dhe për rolin e tyre në mbështetjen e iniciativave që ndikojnë në zhvillimin e qëndrueshëm të komunës.

Dardanapress mbetet e përkushtuar në promovimin e politikave zhvillimore dhe në mbështetjen e iniciativave që kontribuojnë në krijimin e mundësive të reja ekonomike, hapjen e vendeve të punës dhe ndërtimin e një të ardhmeje më të mirë për qytetarët e Komunës së Kamenicës. /2LONLINE/