Dardanapress mbajti trajnimin me temën “Trajnimi i te rinjve për administrimin e një biznesi”

Organizata Joqeveritare Dardanapress, në kuadër të projektit “Promovimi i politikave të zhvillimit socio-ekonomik në Komunën e Kamenicës”, organizoi një trajnim me temën “Trajnimi i te rinjve për administrimin e një biznesi”, me qëllim rritjes së njohurive dhe avancimit të kapaciteteve të të rinjve në fushën e ndërmarrësisë.

Qëllimi i trajnimit ishte ngritja e njohurive dhe zhvillimi i aftësive praktike të të rinjve në fushën e administrimit dhe menaxhimit të një biznesi. Përmes këtij trajnimi, pjesëmarrësit do të njihen me parimet themelore të funksionimit të një biznesi, planifikimin dhe organizimin e aktiviteteve afariste, menaxhimin financiar, hartimin e planeve të biznesit, si dhe sfidat dhe mundësitë që ofron ndërmarrësia.

Gjatë trajnimit u diskutua për zhvillimi i ideve të biznesit dhe ndërmarrësisë te të rinjtë, administrimim dhe menaxhimin financiar, marketingu digjital dhe promovimi i produkteve vendore dhe identifikimit të mundësive për zhvillimin e aktiviteteve afariste, hartimin e planit të biznesit, identifikimin e ideve inovative .

Rekomandimet e dala nga trajnimi: Të rinjtë të inkurajohen të zhvillojnë ide të reja dhe të ndërmarrin iniciativa në fushën e ndërmarrësisë, të organizohen trajnime të vazhdueshme për ngritjen e kapaciteteve të të rinjve, të rinjtë të informohen për mundësitë e financimit, grantet dhe subvencionet për fillimin dhe zhvillimin e bizneseve, të nxitet bashkëpunimi ndërmjet të rinjve, institucioneve lokale dhe bizneseve ekzistuese, të mbështeten idetë inovative që kontribuojnë në zhvillimin ekonomik të Komunës së Kamenicës. /2LONLINE/

Projekti “Promovimi i politikave të zhvillimit socio-ekonomik në Komunën e Kamenicës” është financuar nga Ministria e Zhvillimit Rajonal