Dardan Gashi jep dorëheqje nga AKR

Ministri në detyrë i ambientit dhe planifikimit hapësinor, Dardan Gashi ka dhënë dorëheqje nga Aleanca Kosova e Re. Gashi ka qenë nënkryetar i partisë që udhëhiqet nga zëvendëskryeministri në detyrë, Behgjet Pacolli.

Ai e ka konfirmuar për Indeksonline se ka dhënë dorëheqje, mirëpo nuk ka pranuar të thotë arsyen pse e ka marrë këtë vendim.

Dardan Gashi ka hyrë në qeveri si pjesëtar i Lëvizjes Ibrahim Rugova, ndërsa para zgjedhjeve të 8 qershorit iu bashkua Aleancës Kosova e Re.