Danush Osmani vlerësohet nga kryetari i Vitisë për mbështetje në Parkun e Sllatinës dhe në vet fshatin

Kryetari i Komunës së Vitisë, Sokol Haliti, ka pritur sot në një takim pronarin e kompanisë “LALA SH.P.K – Ferizaj”, Danush Osmani, të cilit i ka ndarë mirënjohje për kontributin dhe mbështetjen e vazhdueshme në të mirë të komunitetit.

Me këtë rast, kryetari Haliti vlerësoi lart kontributin e Danush Osmanit, veçanërisht për angazhimin dhe mbështetjen e dhënë në Parkun e Sllatinës dhe në fshatin Sllatinë, duke theksuar se bashkëpunime të tilla janë shumë të rëndësishme për zhvillimin dhe përmirësimin e jetës së qytetarëve.

Nga ana tjetër, Danush Osmani falënderoi Komunën e Vitisë për vlerësimin dhe shprehu gatishmërinë që të vazhdojë mbështetjen dhe bashkëpunimin edhe në të ardhmen.  /2LONLINE/