Danimarkë-Francë, finalja e Evropianit të hendbollit

Danimarka dhe Franca janë kualifikuar në finale të Kampionatit evropian në hendboll. Në gjysmëfinalen e parë, kampionët olimpikë, francezët, arritën të mposhtin kampionen në fuqi të botës, Spanjën, me rezultat 30:27,. Ndërkohë, në gjysmëfinalen tjetër, danezët vendas e mposhtën Kroacinë, me rezultat 29:27.

Ndeshja finale do të zhvillohet, të dielën, në orën 17:30, derisa në orën 15:00, zhvillohet ndeshja për medaljen e bronztë ndërmjet Kroacisë dhe Spanjës. Të dyja këto ndeshje do të transmetohen drejtpërdrejt në RTK.