Daku ‘bomberi’ i Superligës, askush si ai në Evropë

Daku ‘bomberi’ i Superligës, askush si ai në Evropë

Ballkani ka triumfuar në derbin e xhiros së shtatë në Superligën e Kosovës në futboll, teksa në shtëpi e ka mposhtur Dritën me rezultat 2-0.

Golat për ‘portokallinjtë’ i shënoi futbollisti nga Gjilani, Mirlind Daku, i cili po kalon në formë jetësore.

Në shtatë xhirot e para të edicionit të ri në elitën e futbollit kosovar, gjilanasi e ka gjetur rrjetën 14 herë në gjashtë fitoret e Ballkanit dhe kjo e bënë atë golashënuesin më të mirë në Superligë.

Suksesin e tij nuk e ka askush në Evropë, pasi ai ka shënuar individualisht më shumë gola se gjysma e ekipve kosovare, shkruan 2LONLINE.com.

Daku këtë sezon u ka dedikuar golat shumë personazheve, kurse kësaj here sulmuesi ua dedikon tifozëve të klubit.

“Dy golat e sotëm ua dedikojë tifozëve të zjarrtë të klubit, ‘Xhebrailave’ që më kanë përkrahur edhe në momentet më të vështira të karrierës time”, tha Daku pas ndeshjes.

KOMENTE