(2LONLINE) – Pas publikimit të fituesve të çmimeve të konkursit letrar të flakës së janarit, çmimi në prozë, vendi i dytë, doli të jetë i shkrimtares Lindita Doda nga Burreli, Shqipëri. Pas konfirmimit, krijuesja Lindita Doda, këtë çmim ia dedikoi familjes se Nuhi Berishës.
Në Përvjetorin e gjashtë të Pavarësisë së Kosovës, ajo ia dorëzoi zyrtarisht çmimin në vlerë 100 euro, e që në emër të familjes e pranoi babai i Nuhiut, Baca Rexhë.
I nderuar nga ky veprim simbolik, Baca Rexhë, falënderoi nga zemra krijuesen Lindita Doda duke i uruar asaj suksese në krijimtari, me një dëshirë që në një të ardhme të janë të bashkuar gjitha trojet shqiptare.
Ndërsa Lindita Doda tha se u ndie e privilegjuar të jap çmimin një familje të respektuar që dha djalin e saj për lirinë dhe Pavarësinë e Kosovës.
“Figura të tilla si Nuhiu janë frymëzim për ne jo vetëm për të shkruar por për të punuar më shumë në ndërtimin e shtetit edhe andej dhe këtej kufirit. Gëzuar ditëlindjen e 6-të të shtetit të Kosovës Baca Rexhe”, uroi ajo.
Lindita Doda ishte e shoqëruar nga deputeti .Ahmet Isufi dhe nga organizatori i pjesës letrare të “Flakës së Janarit” Sabit Rrustemi. /2lonline/