Çmimi “Regjisori i Vitit” i ndahet Erson Zymberit

Regjisori i njohur i teatrit, Erson Zymberi, është fitues i çmimit “Regjisori i Vitit” në kuadër të Çmimeve për më të Mirët e Vitit – 2025, të ndara nga Komuna e Gjilanit, për realizimin regjisorial të shfaqjes “Djali”.

Sipas vlerësimit të komisionit përzgjedhës, kjo regji është dalluar për thellësinë artistike, ndjeshmërinë në trajtimin e marrëdhënieve familjare dhe për një drejtim të saktë e intensiv të aktorëve, duke ndërtuar një gjuhë skenike bashkëkohore dhe koherente.

Shfaqja “Djali” është vlerësuar si një përvojë e fuqishme teatrale, ku ndërthurja mes tekstit, skenografisë dhe ritmit dramatik krijon një komunikim të drejtpërdrejtë dhe emocional me publikun.

Ky çmim përforcon edhe një herë rolin e Erson Zymberit si një nga zërat më të rëndësishëm të regjisurës bashkëkohore dhe si një kontribuues të vazhdueshëm në zhvillimin e jetës kulturore të Gjilanit dhe të skenës teatrore në Kosovë. /2LONLINE/