Cigaret elektronike janë helmuese!?
Numri i njerëzve që po helmohen nga cigaret elektronike është shtuar në vitet e fundit, sipas një raporti zyrtar.
Telefonatat në qendrat e toksikimit në Shtetet e Bashkuara, lidhur me lëngjet në cigaret elektronike, janë shtuar nga 1 në muaj, në shtator 2010, në 215 në muaj, në shkurt 2014.
Qendra për Kontrollin dhe Parandalimin e Sëmundjeve tregon se më tepër se gjysma e telefonatave lidhen me fëmijë nën moshën 5 vjeç. Megjithatë, 42% e tyre lidhen me të rriturit mbi moshën 20-vjeçare. Statistikat e qendrës tregojnë se numri i telefonatave në muaj lidhur me cigaret e zakonshme, nuk është rritur në të njëjtën mënyrë.
Me shtimin e popullaritetit të cigareve elektronike, është shtuar edhe numri i rasteve me helmim. Helmimi me cigaret e zakonshme lidhet kryesisht me ngrënien e pakujdesshme të tyre nga fëmijët.
Ndërsa helmimi me cigaret elektronike vjen për shkak të lëngjeve që përmbajnë nikotinë në këto pajisje. Ai mund të ndodhë në tre rrugë: përmes thithjes, gëlltitjes ose përthithjes nga lëkura ose sytë.
Raporti është një flamur i kuq që ngrihet kundër cigareve elektronike.