Çeku: Vonesat për transformimin e FSK-së, të pakuptimta

Ish-ministri i Forcës së Sigurisë së Kosovës, Agim Çeku është shprehur i pakënaqur me procesin e transformimit të kësaj force në Forca të Armatosura. Ai i ka quajtur të pakuptimta vonesat që po ndodhin në këtë proces, pasi për forcën e re thotë se janë përfunduar projekti, plani afatshkurtër, plani afatgjatë dhe struktura.

Çeku i ka bërë thirrje Qeverisë që këtë çështje ta bëjë prioritet, meqë shteti ka nevojë për ushtri, shkruan ‘Epoka e re’.

Megjithatë, ai ka thënë se është optimist që këtë vit Kosova do të bëhet me Forcë të Armatosur.

Në të kundërtën, sipas tij, nëse brenda këtij viti nuk ndodh transformimi i FSK-së, Qeveria nuk do të ketë asnjë justifikim.