Çanta dhe materiale shkollore për 300 familje përfituese të asistencës sociale

Komuna e Gjilanit, përmes Drejtorisë së Shëndetësisë dhe Mirëqenies Sociale, në bashkëfinancim me Islamic Relief, ka realizuar shpërndarjen e çantave dhe materialeve shkollore për 300 familje përfituese të asistencës sociale.

Drejtoresha e Drejtorisë së Shëndetësisë dhe Mirëqenies Sociale në Komunën e Gjilanit, Mimoza Kadriu Qerimi ka bërë me dije se kjo mbështetje synon t’ua lehtësojë familjeve përgatitjet për fillimin e vitit të ri shkollor dhe t’u mundësojë fëmijëve kushte më të mira për të nisur vitin me dinjitet dhe motivim, transmeton Portali 2LONLINE.

“Mirënjohje për Islamic Relief për bashkëpunimin dhe përkushtimin e vazhdueshëm në mbështetje të familjeve në nevojë”, ka thënë drejtoresha e DSHMS-së. Mimoza Kadriu Qerimi. /2LONLINE/