Cana: Të lumtur që Qeveria e Luksemburgut ka investuar dhe vazhdon të investojë në shëndetësinë kosovare e në veçanti në Spitalin e Gjilanit

“Kishim nderin dhe kënaqësinë që të presim në takim delegacionin nga Luksemburgu, Eric Dietz- Ambasadori i Luksemburgut në Kosovë, Claude Jentgen – coordinator of programs at the Ministry of Foreign Affairs in Luxembourg, Jessica Spaus – Desk officer for Kosovo, Claude Jentgen – coordinator of programs in Development Cooperation, Giovanni Tordini- Resident Representative of LuxDev In Kosovo”, thuhet në njoftimin e Spitalit.

Drejtori ekzekutiv i Spitalit të Përgjithshëm në Gjilan, Dr.Afrim Cana theksoi se janë të nderuar që kishin në vizitë delegacionin nga Luksemburgu.

“Jemi shumë të lumtur që Qeveria e Luksemburgut ka investuar dhe vazhdon të investoje në shëndetësinë kosovare e në veçanti në Spitalin e Përgjithshëm në Gjilan përmes projektit LuxDev KSV/017”, ka thënë drejtori Afrim Cana.

“Me rastin e fillimit të renovimit të objektit spitalor nr 1 përmes projektit KSV/017, thekso se me përkushtim të madh i gjithë stafi kemi marrë detyra dhe angazhime për të realizuar planin e riorganizimit dhe zhvendosjes së shërbimeve shëndetësore, nga objekti nr 1 në objektet e tjera përcjellëse spitalore, ku tani më të gjitha shërbimet janë bërë funksionale dhe po iu shërbejmë pacientëve”, thotë tutje drejtori i Spitalit.

Cana ka thënë se dëshiron të garantojë se Menaxhmenti i Spitalit të Përgjithshëm në Gjilan do të bashkëpunojë me Luxemburg Developement Cooperation Agency dhe të gjitha institucionet në Republikën e Kosovës, ku synimet janë që pacienti përherë të jetë në qendër të vëmendjes.

“Përfaqësuesit e Luksemburgut vizituan repartet e ndryshme dhe panë nga afër investimet e bëra nga projekti i LuxDev KSV/017, ata thanë se do të vazhdojnë bashkëpunimin me Spitalin e Përgjithshëm Gjilan dhe presim që së shpjeti të fillojnë punimet në objektin spitalor nr.1”, ka thënë Afrim Cana, drejtor ekzekutiv i Spitalit të Përgjithshëm në Gjilan. /2LONLINE/