Çaji pengon plakjen dhe sjell këto përfitime shëndetësore

Hulumtime të reja kanë sugjeruar që pirja e çajit mund të jetë e mirë për trurin tuaj si dhe të pengojë plakjen. Shkencëtarët tani thonë se konsumimi i rregullt i çajit mund të jetë një zgjedhje e thjeshtë jetese që sjell dobi për shëndetin e trurit.

Studiuesit e udhëhequr nga një ekip me bazë në Universitetin Kombëtar të Singaporit analizuan skanimet MRI nga nje grup personash të moshës mbi 60 vjeç.

Të gjithë pjesëmarrësit, nga Singapori, u pyetën gjithashtu se sa shpesh pinë çaj jeshil ose të zi, si dhe kafe.

Rezultatet treguan se pjesëmarrësit që pinin çaj të paktën katër herë në javë për rreth 25 vjet, kishin lidhshmëri më të mirë të trurit.