Buxhetimi me Pjesëmarrje u mbajt edhe me banorët e fshatit Gumnishtë

Në kuadër të Buxhetimit me Pjesëmarrje- Lagjja jote, vendimi yt, dëgjimi publik ka vazhduar me banorë të fshatit Gumnishtë, në shkollën “Ramiz Cërrnica”.

Në këtë takim me banorët ishin drejtoresha e Administratës së Pergjithshme të Gjilanit, Arbenita Sopi Haziri, drejtori për Mbrojtje dhe Shpëtim, Bejtullah Osmani dhe drejtori i Shërbimeve Publike, Kushtrim Ibrahimi.

Banorët e këtij fshati kanë dhënë këto propozime për projekte për fazën e dytë të votimit:

1.Rregullimi i shtratit të lumit.

2.Tabela digjitale për shkollë dhe laborator shkencor.

3.Kabina të pritjes për udhëtarët.

Më 30 maj do të votohet për projektin e lagjes. /2LONLINE/