Bunjaku Rexhepi: Për dy vite, Kuvendi i Gjilanit nuk ka bërë asnjë shpenzim të panevojshëm

/2L ONLINE/ – Nën organizimin e Asociacionit të Komunave të Kosovës dhe në bashkëpunim me organizatën “Demos”, asambleistët e Kuvendit Komunal Gjilanit, përfshirë ata të pozitës dhe opozitës, po qëndrojnë në një trajnim në Bogë, ku po diskutohet kryesisht për hartimin e buxhetit komunal.

Kryesuesja e Kuvendit Komunal të Gjilanit, Valentina Bunjaku Rexhepi, njëherit kryesuese e Asociacionit të Komunave, ka thënë se Komuna e Gjilanit po i kursen në maksimum taksat e qytetarëve, duke u thirrë në dietën buxhetore që është vendosur nga kryetari Haziri.

“Në këtë trajnim po bisedohet për ndarjen e buxhetit, për rolin mbikëqyrës të legjislativit në ekzekutiv. Përgjithësisht, kuvendet e komunave e shpenzojnë buxhetin në mënyrë jo të drejtë, derisa ne si Kuvend i Gjilanit nuk kemi bërë shpenzime të panevojshme fare. Ato mjete që i kemi kursyer, i kemi dedikuar në investime që i kanë sjellur të mira qytetarëve”, u shpreh kryesuesja Bunjaku Rexhepi./2L ONLINE/