Bujës i kërkohet të ndërmarrë hapa konform kompetencave ligjore

Komisioni Parlamentar i Arsimit, i cili ka ftuar Ministrin e Arsimit Ramë Buja për të raportuar për gjendjen e arsimit të lartë në vend, kërkoi nga ministri që të ndërmarrë hapa sa më të shpejtë konform kompetencave ligjore që ka, në mënyrë që kjo situatë të qartësohet.

Ministri Buja, sqaroi para komisionit se tashmë Senati i Universitetit të Prishtinës ka formuar komisionin shtatë anëtarësh për shqyrtimin e revistave në të cilat ka publikuar stafi akademik i Universitetit, si dhe rishikimin dhe plotësim-ndryshimin urgjent të akteve normative në fuqi – Statutit dhe Ligjit për Arsimin e Lartë.

Ai tha se duhet t’i lihet kohë këtij komisioni deri sa të dalë me rezultatet e tij.