Bujar Nevzati kandidat i PDK-së për Kuvendin Komunal të Gjilanit

/Bujar Nevzati kandidat i PDK-së për Kuvendin Komunal të Gjilanit/

Bujar Nevzati është pjesë e PDK-së që nga themelimi dhe gjithmonë ka qenë pranë qytetarëve të Gjilanit. Ai ka qenë asambleist që nga paslufta në Kuvendin Komunal, pas 7 mandateve të fituara radhazi, duke dëshmuar përkushtim të pandërprerë dhe besimin e fortë që qytetarët i kanë dhënë ndër vite.

Me një përvojë të gjatë në institucione e politikë, Bujari ka mbajtur detyra të rëndësishme si Kryesues i Kuvendit Komunal të Gjilanit dhe Drejtor i Arsimit, duke kontribuar në ngritjen e arsimit dhe forcimin e vendimmarrjes lokale.

Si luftëtar i Ushtrisë Çlirimtare të Kosovës, ai mbart me krenari përvojën dhe vlerat e lirisë, duke i shndërruar ato në përgjegjësi për të vazhduar angazhimin në shërbim të qytetarëve.

Me përkushtim, seriozitet dhe përvojë të dëshmuar, Bujar Nevzati është gati të vazhdojë misionin e tij për një Gjilan më të zhvilluar, më të drejtë dhe më afër njerëzve.