Bujanocin e kap fukarallëku, rrogat më të ulëta në Luginë

Enti Republikan për Statika (ERS) në të dhënat e fundit mbi të ardhurat mujore në Serbi ka radhitur komunat të cilat të ardhurat mujore i kanë më të larta si dhe ato më të ulëta.

Paga më e lartë mesatare pa tatim dhe kontribute, në tre komunat e banuara me shqiptarë është ajo e Preshevës, përderisa e fundit radhitet komuna e Bujanocit, raporton Titulli.

Të dhënat e Entit Republikan për Statistika mbi të ardhurat mujore të të punësuarve, për muajin shkurt, komunën e Preshevës e radhisin të parën me pagë mesatare prej 36.382 dinarë, kundrejt dy komunave tjera.

Komuna e Medvegjës edhe pse më pak e zhvilluar ka arritur të kalojë atë të Bujanocit. Në Medvegjë, sipas ERS-s paga mesatare gjatë muajit shkurt, pa tatim dhe kontribute ishte 35.723 dinarë, kurse në Bujanoc 35.429 dinarë.

Këto statistika të ERS-s janë një tregues i mirë dhe duhet të merren parasysh, sidomos nga komuna me pagat më të ulëta, ajo e Bujanocit, në mënyrë që të përmirësojë gjendjen e rëndë sociale që po mbretëron në vend