Bujanocasit vjedhin shtëpitë në fshatrat e Vlasotincës

Policia ka arrestuar S.P. (1969) dhe E.L. (1968) nga rrethina e Bujanocit nën dyshimin se të enjten në mbrëmje kanë vjedhur dy shtëpi në rajonin e Vlasotincës duke marrë stoli ari e argjendi si dhe të holla.

Në kumtesën e lëshuar nga policia theksohet se bujanocasit vjedhjet i kanë kryer në fshatrat Gllozhan dhe Lladovicë, transmeton Titulli.

Policia gjatë kontrollimit të komunikacionit ka ndaluar veturën “Golf 2” në të cilin gjendeshin të dyshuarit, me ç’rast ka gjetur dhe konfiskuar të hollat dhe stolitë, të cilat do t’i kthehen pronarëve. Të ndaluarit do të dalin para zëvendës Prokurorisë Publike themelore në Leskoc.