Breshëri në Gjilan dëmtori kulturat bujqësore në Velekincë, Llashticë dhe Cernicë

/2L ONLINE/ – Drejtoria e Bujqësisë, ka vizituar sot të gjitha fshatrat e komunës së Gjilanit, për t’u njohur me dëmet e shkaktuara nga breshëri që ndodhi në mbrëmjen e ditës së djeshme.

Drejtori i Bujqësisë, Ramiz Ramadani, pas vizitës që ka bërë në terren, ka bërë me dije se fshatrat më të goditura nga breshëri janë: Velekinca, Llashtica dhe Cernica.

Dëmet janë kryesisht në kulturat perimore në fushë të hapur, në kulturën e misrit dhe ka shkundje të kokrrës së grurit tek disa ngastra në fshatin Velekincë.

“Drejtoria e Bujqësisë të hënën do ta themeloj komisionin për vlerësimin e dëmeve ngastër për ngastër dhe tek pastaj do të dalim me vlerësimin final”, ka thënë Ramadani./2L ONLINE/