Brenda javës 20 aksidente trafiku, 674 tiketa gjobitëse

/2L ONLINE/ – Duke iu referuar statistikave policore brenda një jave në Rajonin e Gjilanit janë regjistruar 57 incidente të natyrave të ndryshme ndërsa ka pasur 13 të arrestuar. Ndërsa sa i përket aksidenteve të trafikut janë regjistruar 20 të tilla.

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se gjatë periudhës shtatë ditore, në këtë rajon ka pasur 20 aksidente trafiku nga të cilat 6 me lëndime në njerëz dhe 14 aksidente trafiku me dëme materiale, por pa lëndime.

Hashani tha se gjatë kësaj periudhe janë shpërndarë 674 tiketa gjobitëse për drejtuesit e automjeteve që nuk kanë respektuar ligjin. /2L ONLINE/

fotoilustruese