Brenda ditës 55 aksidente trafiku

Referuar statistikave të përgjithshme të Policisë së Kosovës, të hënën e kësaj jave, në tërë territorin e vendit, kanë ndodhur 55 aksidente trafiku, prej të cilave, 18 me të lënduar dhe 37 aksidente me dëme materiale, por pa të lënduar.

Ndërsa, brenda kësaj periudhe kohore Policia e Kosovës ka shqiptuar 2 mijë e 172 tiketa trafiku për drejtues automjetesh, për shkelje të rregullave në komunikacion.

Kështu bëhet e ditur në raportin 24 orësh të Policisë së Kosovës, transmeton Portali 2LONLINE.com.

Përndryshe, brenda ditës së hënë, janë arrestuar edhe 22 persona, 11 prej tyre janë dërguar në mbajtje. /2LONLINE/