Brenda ditës 54 aksidente trafiku, 1 me fatalitet, shqiptohen 1 mijë e 720 gjoba trafiku

Policia e Kosovës ka shqiptuar 1 mijë e 720 tiketa trafiku për drejtues automjetesh, për shkelje të rregullave në komunikacion, bëhet e ditur në raportin 24 orësh të Policisë së Kosovës, transmeton Portali 2LONLINE.com.

Ndërsa, brenda kësaj periudhe kohore janë shkaktuar 54 aksidente trafiku, prej të cilave, 1 me fatalitet, 24 me të lënduar dhe 29 aksidente me dëme materiale, por pa të lënduar.

Janë arrestuar 7 persona, 5 prej tyre janë dërguar në mbajtje dhe 1 në vuajtje të dënimit. /2LONLINE/

AKSIDENT TRAFIKU ME FATALITET

Jasiq, Junik 12.09.2026-13:30. Raportohet se një m/k derisa ka qenë duke drejtuar mjetin – katërçikletë, duke mos përshtatur shpejtësinë me kushtet e rrugës, humb kontrollin, del jashtë rruge dhe përplaset në një breg. Si pasojë, i njëjti humb jetën në vendin e ngjarjes, vdekjen e të cilit e konstatoi ekipi mjekësor. Me vendim të prokurorit, trupi i pa jetë dërgohet në IML për obduksion.