Brenda ditës 44 aksidente trafiku, 2 me fatalitet, shqiptohen 1 mijë e 502 gjoba trafiku

Referuar statistikave të përgjithshme të Policisë së Kosovës, brenda 24 orëve të fundit, në tërë territorin e vendit, kanë ndodhur 44 aksidente trafiku, prej të cilave, 2 me fatalitet, 21 me të lënduar dhe poashtu 21 aksidente me dëme materiale, por pa të lënduar.

Ndërsa, brenda kësaj periudhe kohore Policia e Kosovës ka shqiptuar 1 mijë e 502 tiketa trafiku për drejtues automjetesh, për shkelje të rregullave në komunikacion.

Kështu bëhet e ditur në raportin 24 orësh të Policisë së Kosovës, transmeton Portali 2LONLINE.com.

Përndryshe, brenda ditës janë arrestuar edhe 17 persona, 13 prej tyre janë dërguar në mbajtje dhe 2 në vuajte të dënimit. /2LONLINE/

AKSIDENT TRAFIKU ME FATALITET

Gjakovë 28.06.2026-02:18. Është raportuar se ka ndodhur aksident trafiku në mes një motoçiklete dhe një veture civile me vozitës meshkuj kosovarë. Përveç dëmeve materiale lëndime ka pësuar vozitësi i motoçikletës dhe i njëjti është dërguar në Emergjencë ku nga plagët e marra ka ndërruar jetë. Me vendim të prokurorit trupi i pa jetë është dërguar në IML për obduksion, ndërsa vozitësi i veturës është dërguar në mbajtje.

AKSIDENT TRAFIKU ME FATALITET

PPK Vërmicë 29.06.2206-02:40. Raportohet se një person është godit nga një veturë të cilën e drejtonte i dyshuari mashkull shtetas i Shqipërisë. Në vend ngjarje kanë dalur të gjitha njësit relevante, ndërsa vdekjen e viktimës e ka konstatuar mjeku kujdestar. Me vendim të prokurorit trupi i pa jetë dërgohet në IML për obduksion, ndërsa i dyshuari dërgohet në mbajtje.