Boshnjaku tregon arsyen pse u vesh “kuqebardh”

Njëri ndër përforcimet e fundit të SC Gjilanit, mesfushori Lorik Boshnjaku u shpreh i lumtur për zgjedhjen e bërë, derisa ka theksuar se ishte projekti i klubit që e bindi për të pranuar të vishet “kuqebardh”.

“Arsyeja pse unë jam këtu është projekti, i cili ka bindur shumë futbollist, në mesin e tyre edhe mua tani e tutje. Shtabi teknik kanë qenë një arsye që kanë insistuar që unë të bëj zgjedhjen e duhur”, ka thënë Boshnjaku, transmeton 2LONLINE.com..

Ai premtoi se bashkë me të tjerët do të punojnë shumë për të arritur objektivat që ka klubi. “Pres mbështetjen e madhe të tifozëve, pasi që këtë vit dua që të luftojmë së bashku”, ka thënë mesfushori i skuadrës “kuqebardh”.

Përndryshe, Boshnjaku u transferua te SC Gjilani nga skuadra e Suharekës, derisa më parë djersiti edhe fanellën e klubeve tjera kosovare si 2 Korriku dhe Prishtina, derisa 29-vjeçari karrierë ka bërë edhe te skuadra e Vllaznisë nga Shkodra.  /2LONLINE/