Boshi – Poezia që e fitoi vendin e dytë

Manifestimi kombëtar i kulturës, FLAKA E JANARIT/2026
Nga konkursi anonim letrar – Poezia që e fitoi vendin e dytë

Murteza OSDAUTAJ

BOSHI

Bosh lartë
Bosh poshtë
Nuk ka ku të bjerë shi
As ku të shihet një ëndërr
Një kërmill përjarg kohën
Timen e tënden
Pastaj jemi a s’jemi
Nuk e thonë as librat e shenjtë
Bosh ka mbetur gjuha
Kaherë s’ka mbirë mendimi
Mendimi i mendimeve
I një kombi
Bosh lartë
Bosh poshtë
As zot as engjëj në qiell
As njerëz as djaj në tokë
As një kryq për tu gozhduar
As një hënë e re për tu varur
Mbi Shpatë të Skënderbeut
Një krimb i ndytë ha
Gjethe s’mi lë emrit
Pastaj mbyllëm në boshin tim
Për të qarë pse se zura veten
Kur humbi ungjillin e tij
Bosh është lartë
Bosh poshtë
Varg kërmijtë ma përjargin emrin.