Bordi i KRU “Hidromorava” shqyrton dhe miraton dokumente kyçe për funksionim dhe zhvillim institucional

Bordi i Drejtorëve i KRU “Hidromorava” Sh.A. ka mbajtur mbledhjen e tretë të rregullt për vitin 2026, në të cilën janë shqyrtuar dhe miratuar një sërë dokumentesh të rëndësishme për funksionimin efikas dhe zhvillimin institucional të ndërmarrjes.

Në këtë mbledhje u miratua raporti i punës për muajin shkurt 2026, i cili pasqyron ecurinë e aktiviteteve operative, realizimin e objektivave dhe menaxhimin e sfidave gjatë kësaj periudhe.

Po ashtu, Bordi ka miratuar rregulloren për mbrojtjen, përpunimin dhe ruajtjen e të dhënave personale, me qëllim garantimin e privatësisë dhe sigurisë së të dhënave, në përputhje me legjislacionin në fuqi.

Një tjetër vendim i rëndësishëm ishte edhe miratimi i ndryshimeve në rregulloren për organizimin e brendshëm dhe sistematizimin e vendeve të punës, që synon përmirësimin e strukturës organizative dhe rritjen e efikasitetit të ndërmarrjes.

Gjatë mbledhjes, Bordi i Drejtorëve dhe menaxhmenti rikonfirmuan përkushtimin për forcimin e qeverisjes korporative dhe avancimin e praktikave të menaxhimit, duke synuar përputhshmëri të plotë me standardet ligjore dhe profesionale.

“KRU “Hidromorava” Sh.A. mbetet e angazhuar për rritjen e performancës institucionale dhe zhvillimin e qëndrueshëm, duke ofruar shërbime cilësore, të sigurta dhe të besueshme për konsumatorët në zonën e saj të shërbimit”, thuhet në njoftimin e kësaj kompanie.  /2LONLINE/