Bordi i Drejtorëve i KRU “Hidromorava”, mban takimin e radhës, shqyrtohen një sërë çështjet me rëndësi

Bordi i Drejtorëve i KRU “Hidromorava” Sh.A. mbajti Mbledhjen e pestë (V) të rregullt për vitin 2026, në të cilën u trajtuan dhe u shqyrtuan çështje me rëndësi për funksionimin, performancën dhe zhvillimin institucional të Ndërmarrjes.

Në këtë mbledhje u shqyrtua dhe u miratua:

Raporti i Punës për tremujorin e parë (TM-1) të vitit 2026, i cili u vlerësua nga Bordi i Drejtorëve si një periudhë me performancë më të mirë financiare dhe operative krahasuar me periudhën e njëjtë të vitit paraprak. Raporti evidentoi progres në realizimin e objektivave operacionale, përmirësimin e indikatorëve financiarë dhe avancimin e aktiviteteve të planifikuara.

Gjithashtu, u miratua:

Raporti i Punës për muajin prill 2026, Dokumenti për Vetëvlerësimin e Bordit të Drejtorëve për vitin 2025,

Vendimi për autorizimin e Sekretares së Ndërmarrjes për udhëheqjen e procesit të aplikimit për licencë shërbimi pranë ARRU-së, si dhe

Draft Rregullorja për Procedurat e Rekrutimit në KRU “Hidromorava” Sh.A.

Gjatë mbledhjes, Komisioni i Auditimit raportoi para Bordit lidhur me:

Draft Raportin e Auditimit të Jashtëm dhe Pasqyrat Financiare për vitin që përfundon më 31.12.2025, si dhe

Deklaratën për Politikën e Kompensimit për Drejtorët e Bordit dhe Zyrtarët e Lartë.

Po ashtu, Komisioni raportoi edhe lidhur me procesin e emërimit të Zyrtarit për Auditimin e Brendshëm.

Bordi i Drejtorëve vazhdoi diskutimet mbi avancimin e qeverisjes korporative, forcimin e kontrollit të brendshëm, menaxhimin e rreziqeve dhe zhvillimin e kapaciteteve institucionale, me qëllim rritjen e efikasitetit dhe cilësisë së shërbimeve.

“KRU “Hidromorava” Sh.A. mbetet e përkushtuar në përmirësimin e vazhdueshëm të performancës operative dhe financiare, duke siguruar shërbime të qëndrueshme, cilësore dhe të besueshme për të gjithë konsumatorët”, thuhet nçë njoftimin e kësaj Kompanie.  /2LONLINE/