Boksierja Donjeta Sadiku e bronztë në Kampionatin Botëror që po mbahet në Stamboll

Boksierja kosovare, Donjeta Sadiku ka pësuar humbje në ndeshjen e sotme ndaj boksieres amerikane, Shakiyla Rashida Ellis, përballje kjo e gjysmëfinales së Kampionatit Botëror të Boksit që po mbahet në Stamboll të Turqisë.

Sidoqoftë, Sadiku veçse ka siguruar një medalje për Kosovën në këtë kampionat botëror në kategorinë -60kg.

Sadiku ka arritur sukses të jashtëzakonshëm në Botëror, pasi me tri fitore të shënuara, ia ka siguruar Kosovës medaljen e bronztë të botës.