Blendi Baftiu në mesin e 50 talentëve të përzgjedhur nga UEFA për vitin 2020

UEFA sot në faqen zyrtare ka publikuar listën me 50 futbollistë të rinjë të cilët pritet të shpërthejnë në vitin 2020. Në këtë listë janë yjet si Ansu Fati, i Barcelonës, Mason Greenwood i Manchester Unitedit, e Reece James i Chelseat.

Por, përveç këtyre emrave të mëdhenj e të dëshmuar në arenën ndërkombëtare, në listë është edhe Blendi Baftiu, ylli i Ballkanit të Suharekës.

Faqja zyrtare e UEFA-s ka publikuar emrin e Blendi Baftiut në mesin e 50 talentëve të cilët pritet që të shpërthejnë në vitin 2020

“Një mesfushor i talentuar, Baftiu u fut në pushimin e dimrit si golashënuesi më i mirë në kampionatin e Kosovës me 10 gola në 17 ndeshje, ai pritet të marrë një ftesë nga ekipi A i Kosovës më 2020,” thuhet në artikullin e UEFA-s.

Për Baftiun me gjasë ky do të jetë sezoni i fundit në Superligën e Kosovës pasi pritet që karrierën ta vazhdojë në një kampionat shumë më të fortë