Blend Baftiu përforcim i radhët te FC Drita

FC Drita dhe futbollisti, Blend Baftiu kanë zyrtarizuar kontratë për 2+1 vjet me mundësi vazhdimi.

Ish-kapiteni i Ballkanit, Blend Baftiu është lojtari më i ri  i skuadrës bardh e kaltër për të përforcuar repartin ofensivë te FC Drita.

“Blendi do të jetë pjesë e rrugëtimit tonë duke filluar nga ndeshjet e Evropës”, thuhet në njoftimin zyrtar të klubit.

Blend Baftiu ka zhvilluar 121 ndeshje me Ballkanin, gjersa ka qenë edhe pjesë e FC Prishtina.  /2LONLINE/