Bleart Tolaj ka firmosur kontratë dyvjeçare me Gjilanin

Sport Club Gjilani ka  bërë me dije se ka arritur marrëveshje me futbollistin Bleart Tolaj, i cili nga sot është zyrtarisht pjesë e familjes kuqebardhë. Bleart Tolaj ka firmosur kontratë dyvjeçare.

Sulmuesi i bashkohet klubit të Gjilanit për të forcuar repartin ofensiv, duke sjellë cilësi, përvojë dhe ambicie për objektivat e skuadrës në edicionin 2026/27.

“Të gjithë në Sport Club Gjilani i urojmë Bleartit mirëseardhje dhe suksese me fanellën kuqebardhë. Jemi të bindur se me punë, përkushtim dhe mbështetjen e tifozëve tanë, ai do të japë një kontribut të rëndësishëm në arritjen e objektivave të klubit”, thuhet në njoftimin zyrtar të klubit.  /2LONLINE/