Bizneset janë shtylla kryesore e zhvillimit lokal, prandaj angazhohem fuqishëm që zëri i tyre të dëgjohet në Kuvend

Mrika Krasniqi Shala, kandidate në listën e PDK-së, për Kuvendin Komunal të Gjilanit, së bashku me kandidatin për Kryetar të Komunës, Riad Rashiti dhe kandidatët tjerë të listës së PDK-së, vizituan sot një numër biznesesh në qytetin e Gjilanit.

“Gjatë këtyre takimeve, u diskutua për sfidat dhe mundësitë e sektorit privat, si dhe për mbështetjen që programi i PDK-së do t’i ofrojë bizneseve lokale për zhvillim më të shpejtë ekonomik dhe hapjen e vendeve të reja të punës”, thotë Mrika Krasniqi Shala.

Ajo shtoi se bizneset janë shtylla kryesore e zhvillimit lokal, prandaj angazhohet fuqishëm që zëri i tyre të dëgjohet në Kuvendin Komunal dhe të krijohen kushte më të favorshme për rritje dhe inovacion.