BIK-u ua ndalon imamëve prononcimet për media dhe postimet në Facebook

Zhvillimet që kohët e fundit ndodhën dëshmuan për atë që është folur tash e sa vjet, radikalizmin e disa imamëve, kanë shtyrë më në fund edhe Bashkësinë Islame të marrë masa.

Ajo ka nxjerrë një udhëzim administrativ, me anë të së cilit iu ndalohet imamëve dhe punëtorëve të BIK-ut të deklarohen për media, të postojnë fotografi apo video në rrjete sociale pa pëlqimin e një komisioni vlerësues, që do të themelohet nga kryesia e këtij institucioni, raporton KTV.

Mirëpo, këtë udhëzim, kryetari i Sindikatës së punëtorëve të BIK-ut, Idriz Bilalli, e sheh si tendencë për t’u shfajësuar udhëheqja e BIK-ut për të gjitha lëshimet që kanë bërë deri tash.

Megjithëse e vlerëson se dokumenti ka elemente pozitive, esenca e nxjerrjes së tij, sipas Bilallit, është që përgjegjësia të kalojë mbi imamët, e jo mbi krerët e BIK-ut.

KTV-ja ka provuar të marrë një prononcim nga kryesia e BIK-ut, mirëpo kontakti me ta ka qenë i pamundur.Pikërisht mënyra e ligjërimit dhe gjuha e përdorur nëpër xhami ka bërë që disa imamë të arrestohen nën dyshimet për vepra penale dhe përhapje të urrejtjes ndërfetare.